ကျွန်မတို့ မိန်းကလေးတွေဟာ အပျိုဖော်ဝင်စအရွယ် အသက် ၁၂/၁၃ နှစ်ကစပြီး အသက် ၅၀ ကျော်ပတ်ချာလည်ထိ တလတခါရာသီလာခြင်း ဖြစ်စဉ်ကို ကြုံတွေ့ရပါတယ်။ရာသီလာခြင်းဆိုသည်မှာ သားဥအိမ်မှာမျိုးဥကြွေခြင်းဖြစ်စဉ်တခုဖြစ်ပြီး ကလေးယူရန် ကျန်းမာသန်စွမ်းကြောင်း ပြသတဲ့ လက္ခဏာတခုလည်း ဖြစ်နေပြန်ပါတယ်။
ရာသီစက်ဝန်းက ၂၁ ရက်မှ ၃၅ ရက်အထိ တကြိမ်ဖြစ်ပေါ်တတ်ပါတယ်။အပျိုဖော်ဝင်ခါစမိန်းကလေးတွေကတော့ တခါတလေမှာ ၂ လ၊၃ လဆက်တိုက်ရာသီမလာတာမျိုးဖြစ်တတ်ပေမယ့် အရွယ်ရောက်ပြီးသား အိမ်ထောင်ရှိ အမျိုးသမီးတဦး က ရာသီမလာတော့ဘူးဆိုရင် ကိုယ်ဝန်ရှိတာလား၊ကလေးရပြီလားဆိုပြီး စတွေးလာကြပါတယ်။အကယ်၍ လူလွတ်အမျိုးသမီးတစ်ယောက် ရာသီထိမ်ပြီဆိုရင်တော့သူ့ဆီမှာရောဂါတခုခုရှိနေတာလား ဒါမှမဟုတ် အသက်ကြီးတဲ့အမျိုးသမီးတွေဆိုရင် သွေးဆုံးတာလားလို့ ထင်တတ်ကြပါတယ်။
တကယ်ကတော့ ယနေ့ခေတ်မှာ အလုပ်ရှိသူဖြစ်စေ၊အိမ်မှုကိစ္စလုပ်နေရသူဖြစ်စေ လူတိုင်းဟာ စိတ်ဖိစီးမှုဒဏ်ကို အများအပြားခံစားရလေ့ရှိပါတယ်။စိတ်ဖိစီးမှုဒဏ်ကြောင့်ညအိပ်မပျော်ခြင်း၊အစားအသောက်လျော့နည်းခြင်းသာမက မိမိရဲ့ပတ်ဝန်းကျင်အသိုင်းအဝိုင်းမှာလည်း အလွယ်တကူစိတ်ဓာတ်ကျခြင်း၊မကြာခဏရန်ဖြစ်ခြင်းများဖြစ်တတ်တဲ့အပြင် အမျိုးသမီးတွေမှာဆိုရင် ထူးထူးခြားခြားဟော်မုန်းအပြောင်းအလဲဖြစ်ပြီး ရာသီထိမ်ခြင်း၊ ရာသီတလလုံး မလာခြင်း၊၃/၄ လရာသီပျောက်သွားခြင်းများအထိပါ ဖြစ်လာရပါတော့တယ်။
စိတ်ဖိစီးမှုဟာ ဦးနှောက်ထဲမှာရှိတဲ့ ဟိုက်ပိုသားလမက်စ်လို့ခေါ်တဲ့ ထိန်းချုပ်စင်တာကလုပ်ငန်းတွေကို ခေတ္တခဏရပ်သွားစေပါတယ်။အဲဒီလုပ်ငန်းစဉ်ထဲမှာ မျိုးဥကြွေခြင်းဖြစ်စဉ်ပါတဲ့အတွက် မျိုးဥကြွေမှုတွေဟာလည်းရပ်တန့်သွားပြီး ရာသီထိမ်လာရပါတော့တယိ။ရာသီထိမ်တဲ့အခါ စိတ်လျှော့ထားပြီး အိပ်ရေးဝအောင်အိပ်ခြင်း၊ပူနွေးပြီးအာဟာရရှိသောအစားအစာများစားသုံးခြင်း၊ဂျင်းပြုတ်ရည်သောက်ခြင်းနဲ့ စိတ်ဖိစီးမှူလျော့ကျစေမယ့် ယောဂဆော့ခြင်း၊လေ့ကျင့်ခန်းလုပ်ခြင်းများပြုလုပ်သင့်ပါတယ်။
ဒါပေမယ့် အမျိုးသမီးအတော်များများဟာ စိတ်ဖိစီးမှုကြောင့် ရာသီထိမ်တာကို ဂရုမပြုမိဘဲ ရာသီပေါ်ဆေးအဖြစ်မြန်မာဆေးများ၊စပ်ဆေးများ ကြောက်လန့်တကြားသောက်လေ့ရှိပါတယ်။ခုလိုသောက်ခြင်းရဲ့နောက်ဆက်တွဲကြောင့်မလိုလားအပ်တဲ့ရောဂါတွေဖြစ်နိုင်တဲ့အတွက် ရာသီထိမ်တဲ့အခါ သားဖွားမီးယပ်ဆရာဝန်များနဲ့တိုင်ပင်ဖို့ အကြံပြုပါရစေရှင်။
သားဖွားမီးယပ်အထူးကုဆရာဝန်ကြီးများနှင့်ပြရန် - https://mymedicine.com.mm/r/OGDecember