ဆီးချို/ရှောင်မရတဲ့ မိဘအမွေလား
မျိုးရိုးရှိတဲ့ သူတိုင်း က ဆီးချိုဖြစ်နိုင်ပေမယ့် ဆီးချိုရှိတဲ့သူတိုင်း က တော့ မျိုးရိုးလိုက်တာ မဟုတ်ပါဘူး။ဆီးချိုရောဂါမှာဆိုရင် အမျိုးအစား(၁) ဆီးချိုနဲ့ အမျိုးအစား(၂) ဆီးချိုဆိုပြီး ယေဘူယျအားဖြင့် ခွဲလို့ရပါတယ်။အမျိုးအစား(၁) ဆီးချိုကတော့ မျိုးရိုးလိုက်လို့ ဖြစ်တဲ့ရောဂါ ဖြစ်ပါတယ်။
မိသားစုမျိုးရိုးထဲမှာ ဆီးချိုရောဂါရှိတဲ့သူတွေဟာ မျိုးရိုးမရှိတဲ့သူတွေထက်စာရင် ၂ ဆ ကနေ ၆ ဆ ဆီးချိုဖြစ်နိုင်ချေပိုများပါတယ်။ဒါကိုမှ အမျိုးအစား(၁)ဆီးချိုအနေနဲ့ လေ့လာကြည့်ရမယ်ဆိုရင် ဖခင်ဖြစ်သူမှာ ဆီးချိုရှိတယ်ဆိုရင် မွေးလာတဲ့ကလေးလေးမှာ ဆီးချိုဖြစ်နိုင်ချေ ၆ % ရှိပါတယ်။အမေ က အသက် ၂၅ နှစ်အောက်အရွယ်ထဲက ဆီးချိုရှိရင်တော့ ကလေးဆီမှာ ၄ %ဖြစ်ဖို့ chance ရှိပြီး ၂၅ နှစ်အထက်မှ ဆီးချိုရှိတဲ့ မိခင်ဆိုရင်တော့ ၁% ပဲကလေးဆီမှာ ဆီးချိုဖြစ်နိုင်ပါတယ်။မိခင်ရော ဖခင်ပါဆီးချိုရှိတယ်ဆိုရင်တော့ မွေးလာတဲ့ကလေးမှာ ဆီးချိုဖြစ်နိုင်ချေ ၂၅ % အထိဖြစ်နိုင်ချေများပါတယ်။
အမျိုးအစား(၂) ဆီးချိုအနေနဲ့ ကြည့်ကြည့်မယ်ဆိုရင်တော့ အဖေ့ဆီမှာ ဆီးချိုရောဂါရှိပါက ကလေးဆီမှာ ဖြစ်ဖို့ ၃၀% အလားအလာရှိပါတယ်။အမေ့ဆီမှာသာ ရောဂါရှိနေရင် ဒီထက်ရာခိုင်နှုန်းပိုများမှာ ဖြစ်ပါတယ်။တကယ်လို့ အဖေရော အမေရော ဆီးချိုရောဂါရှိနေမယ်ဆိုရင်တော့ ကလေးဆီမှာ ဆီးချိုရောဂါအမွေရဖို့ ၇၀% ထိ တက်လာမှာ ဖြစ်ပါတယ်။ဒါတွေဟာ မျိုးရိုးကြောင့်ဖြစ်တတ်တဲ့ ဆီးချိုရောဂါနဲ့ ကလေးတွေဆီမှာ ရောဂါဖြစ်နိုင်ချေဘယ်လောက်များနိုင်မလဲကို နှိုင်းယှဉ်ပြထားတာပဲဖြစ်ပါတယ်။
အဝလွန်ခြင်း၊သွေးတိုးရောဂါရှိခြင်း၊အဆီအဆိမ့်များသောအစားအသောက်များကို စားသောက်ခြင်း၊အရက်နှင့်ဆေးလိပ်များကို သောက်သုံးခြင်းတွေကလည်း မျိုးရိုးမရှိဘဲ ဆီးချိုရောဂါဖြစ်စေတတ်ပါတယ်။ဆီးချိုရောဂါ က မိဘအမွေတခုဖြစ်ပေမယ့် မျိုးရိုးမလိုက်အောင် အစားအသောက်ကအစဆင်ခြင်ကာကွယ်နေထိုင်ပြီး ကိုယ်လက်လှုပ်ရှားမှုလေ့ကျင့်ခန်းလုပ်မယ်ဆိုရင်တော့ ဆီးချိုဖြစ်နိုင်ချေရာခိုင်နှုန်းကနည်းသွားမှာဖြစ်တဲ့အကြောင်း သတင်းကောင်းပါးလိုက်ပါတယ်ရှင်။
ဆောင်းပါးလေးကိုအဆုံးထိဖတ်ရှုပေးလို့ကျေးဇူးတင်ပါတယ်။
ပြီးတော့ ဆေးဝါးများဝယ်ယူရန်ဖြစ်စေ၊ အထူးကုဆရာဝန်ကြီးများနဲ့ အွန်လိုင်းမှတစ်ဆင့် ဆွေးနွေးတိုင်ပင်လိုလျှင်ဖြစ်စေ https://mymedicine.com.mm/r/diabete ကိုနှိပ်၍ ရက်ချိန်းရယူနိုင်သလို ဖုန်းနံပါတ် 5588 (သို့မဟုတ်) 09779995588 သို့ ဆက်သွယ်မေးမြန်းစုံစမ်းနိုင်ပါတယ်နော်။