နွေရာသီရောက်လာတာနဲ့ ပူအိုက်ပြီး ချွေးတဒီးဒီးကျလာတာကို မကြိုဆိုချင်ဘဲ ကြိုဆိုလိုက်ရပါတယ်။နွေရာသီမှာဆိုရင် အရေပြားမှာ အနီဖုတွေ ထွက်တာ၊ အသားအရေခြောက်သွေ့တာ၊ အရေးအကြောင်းဖြစ်လွယ်တာနဲ့ တင်းတိပ်ထွက်တာတွေ ဖြစ်တတ်ပါတယ်။ပြင်းထန်တဲ့နေရဲ့အရှိန်ကြောင့် ခရမ်းလွန်ရောင်ခြည်တွေလည်း အတိုင်းအဆမရှိ ထွက်ပေါ်နေပြီး အသားအရည်ပျက်စီးအောင် အဆတစ်ရာလောက် လုပ်နေသလိုပါပဲ။ဒါဆိုရင် အရေပြားမပျက်စီးအောင် ဘယ်လိုကာကွယ်ကြမလဲ။
နေရောင်ကာကွယ်ဖို့အရေးကြီးပါတယ်။နေပူထဲထွက်မယ်ဆိုတိုင်း နေလောင်ကာခရင်မ်ကို မျက်နှာ၊ လည်ပင်း၊ လက်နဲ့ ကိုယ်ခန္ဓာအစိတ်အပိုင်းအားလုံးကို သေချာလိမ်းပေးပါ။ချွေးထွက်များတဲ့သူတွေ၊အားကစားလုပ်သူ၊ရေကူးသူတွေအနေနဲ့လည်း water proof နေလောင်ကာခရင်မ်ကို သေချာလိမ်းထားသင့်ပါတယ်။နေပူထဲသွားရမယ်ဆိုရင် ချည်သား၊အင်္ကျီလက်ရှည်၊ ထီးနဲ့ ဦးထုပ်တွေကို မဖြစ်မနေဆောင်းသွားပြီးနေရောင်ကို တိုက်ရိုက်ကာကွယ်ပါ။
ချွေးထွက်များတဲ့ကာလမှာ ရေဓာတ်ဖြည့်ဖို့လည်း မမေ့သင့်ပါဘူး။ရေဓာတ်ခမ်းခြောက်တာများတာမို့ တစ်နေ့ကို ရေ ၂.၅-၃ လီတာအထက်သောက်ပေးပါ။ပြင်းထန်တဲ့လေ့ကျင့်ခန်းလုပ်ရရင် ဓာတ်ဆားပါတဲ့အရည်များကို ရွေးချယ်သောက်သုံးပေးပါ။အရက်နဲ့ ကဖင်းကို တတ်နိုင်သလောက်ရှောင်ပြီး အစိုဓာတ်ပြည့်ဝစေမယ့် ဟင်းသီးဟင်းရွက် သစ်သီးဝလံတွေကို စားပေးပါ။
တကိုယ်ရည်သန့်ရှင်းရေးကိုလည်း အထူးဂုစိုက်ဖို့ လိုအပ်ပါတယ်။ပူအိုက်တဲ့ရာသီမှာ ချွေးထွက်ရာကတဆင့်ပိုးမွှားတွေပေါက်ပြီး အရေပြားရောဂါပိုဆိုးတတ်ပါတယ်။နေ့စဉ် ချွေးနှင့် အဆီပိုများကို ဖယ်ရှားနိုင်ဖို့ ရေပုံမှန်ချိုးပါ။မျက်နှာသစ်ဆေးဖြင့် မနက်တကြိမ်ညတကြိမ်သန့်ရှင်ရေးလုပ်ပါ။မိတ်ကပ်များကို ခပ်ပါးပါးသာ လိမ်းပါ။လိမ်းပြီးရင်လည်း မျက်နှာကိုသေချာသန့်ရှင်းရေးပြန်လုပ်ဖို့ မမေ့ပါနဲ့။
မနက် ၉ နာရီကနေ ညနေ ၄ နာရီအထိ ခရမ်းလွန်ရောင်ခြည်များပြားတဲ့အချိန်မို့နေရောင်တိုက်ရိုက်ထိတွေ့ခြင်းကို တတ်နိုင်သမျှ ရှောင်ပါ။နေလောင်ပါက ရေခဲဝတ်ကပ်ခြင်းနဲ့ Aloe Vera Gel လိမ်းခြင်းတို့ ပြုလုပ်ပြီး နေလောင်သက်သာအောင်လုပ်လို့ရပါတယ်။ပိုဆိုးလာတဲ့နေလောင်ပြဿနာတွေရှိရင်တော့ အလှအပရေးရာဆရာဝန်နှင့် တိုင်ပင်ပါ။နွေရာသီမှာ အပူဒဏ်ကြောင့် အသားအရေ မထိခိုက်ရအောင် ထိန်းသိမ်းနည်းလေးတွေ ပြောပြပြီးပြီ ဆိုတော့ သေချာလေးဂရုစိုက်ဖို့ မမေ့ကြနဲ့နော်။